SI TOENTONG GAPU

Tipu muslihat, kapanpun dan dimana pun selalu mebawa petaka bagi pelakunya.

Sesuatu yang didapatkan melalui ketidakbenaran, apalagisampai merugikan orang lain

pasti hanya akan membawa bencana. Berikut ini adalah satu dari sekian banyak

cerita yang menyodorkan hikmah dibalik keburukan dan kesabaran serta interpretasi

akan ganjarannya.

Meunurot haba jameun, dile udep saboh keuluarga. Lam nyan na sidroe ayah geuhoi Sarong, na sidroe poma ngon limong droe aneuk, dua droe inong, lhee droe agam. Nyang tuha geuboh nan Mariam, nyang keudua nan jih Si Rajali, keulhee Si Baka, keupeut Si Salam, nyang tulot geubri nan Si Safa. Keu udep Siuroe-uroe gobnyan meulampoh bak bineh rumoh, salangkan eungkot geukawee bak krueng to rumohnyan teuma.

Si Mariam leupah brok rupa. Idong jih lagee peuleupeuek u, bibi jih teubai, kulet jih itam lagee punggong kanot, peurangeu jih pih saban brok ngon rupa. Sapeue han ditem, bah that ka geuyue lee ma jih pih han dileungoe. Sabab nyan jih digala “Si Toentong Gapu.”

Ayah ngon poma sep weueh hatee bak geupikee si Mariam, seula-en rupa ngon akai brok, jih pih kuat that seumajoh, kayem that jipeuabeh teumon bu adoe-adoe jih. Ateuh hai nyan, jih han dithee droe bak keulakuan jahe. Peulom adak jikheun keu droe jih, sang hana laen leubeh tari di bak droe jih lam donyanyoe. Lam haba jih, sang singoh na sidroe Raja neuteuka keunan, neutueng jih, geuba u meuligoe keujeut peurumoh Raja. Hana buet laen nibak meucet langet saban uroe. Rayeuk that lumpoe juet keu putroe.

Meupaloe, buet Si Toetong Gapu maken peususah ureung chik. Na padup thon lheueh nyan, teudeungo haba na sidroe Raja muda seudang neuteuka u gampong nyan. Teudeungoe keuh bak Si Toetong Gapu habanyan buno, kon wayang seunang hatee jih, “nyoe beutoi lagee lon pinta, Raja nyan teuka keumeung jak tueng lon jak u meuligoe neuk dipeusunteng jeut keu putroe,” nyan keu haba jih bak ureueng gampong.

Rombongan Raja pih jiteuka. Ubee gampong ka geupeungui panji keu geusambot Raja baro nyan. Raja troh ngon ulee balang, meuntroe, ngon dayang-dayang meuligoe. Raja geusambot lee keuchik, peutua adat ngon awak gampong seureuta. Tiba-tiba, Si Toetong Gapu maju u keu Raja “Ampon Tuanku, hana salah lhee, lon keuh putroe nyang Raja mita nyan” peugah jih.

Raja muda hireuen, hana meuphom peu meukeusud Si Toetong Gapu. Sabab Raja kon mita putroe, gobnyan ka meutunangan ngon Putroe Canden di Kuala. “Soe inong nyoe?” tanyong Raja.

“Ampon Tuanku, nyan inong pungoe, harap Tuanku bek teusinggong” jaweub Peutua Adat.

“Peu mantong na ureng chik jih?” tanyong Raja lom.

“Mantong Tuanku,” seuot Keuchik teuma.

“Ci neuhoi keuno,” pinta Raja

Kon wayang susah Apa Sarong dek peurangaianeuk jih. Dikeu Raja jipeutoh peurangai brok Si Toetong Gapu lagee sebenajih. Gobnyan lakee supaya Si Toetong Gapu geuba u istana geupeujeuet keu pembantu di Meuligoe. Bak akhee, Si Toetong Gapu geuba u meuligoe ateuh pertimbangan mentroe.

Di Meuligoe, bak si uroe, Si Toetong Gapu geucrong ie bak mon untok geupasoe ie lam mundam bak bineh reunyuen. Jikalon bayangan sidroe putroe leupah ceudah, jipikee nyan droe jih. “Bethoi that ceudah rupa lon, sunggoh hana adee Raja geupeugot lon lageenyoe hi,” peugah Si Toetong Gapu lam hatee.

Tima diseumpom beukah dua, ngon bagah jijak ubak Raja. “Pat cit ie hai Toetong Gapu?” tanyong Raja.

“Peu neupikee get that hi sidroe putroe angkot2 ie?” tanyong Si Toetong Gapu ngon beungeh, “tima ka lon peubeukah.”

Raja meupikee siat leuhnyan geu seuot, “beta nyang salah, tapi putroe han salah angkot ie, enteuk meunyoe guci ka peunoh, neu ek keuno u meuligoe.” Si Toetong Gapu dijok lom tima kulet.

Watee Si Toetong Gapu geucrong ie, leumah lom bayangan putroe meungui subang, paon ngon gleueng gaki, tapi mantong cit geupikee nyan bayangan droe jih. Jiseumpom lom tima nyan. Tapi han ditem beukah. Dihoi lee Si Toetong Gapu asee istana geuyue priek tima hana cit ditem beukah, Si Toetong Gapu meuhila-hila ngon asee buno.

Teukhem Putroe Canden kalon peurangoe Si Toetong Gapu dari ateuh bak geulima bak bineh mon nyang bayangan jih leumah lee Si Toetong Gapu buno. Baroe jih sadar peu yang teujadi buno. Tapi niet brok pih teuka teuma. Jih kueneuk tipee putroe Canden.

Ngon narit mameh Si Toetong Gapu lakee putroe nyan tron, “ so nan tuan putroe nyang ceudah rupa nyoe, keuno neutron, bek duek bak bineh cabeueng, adak roet soe peu-ubat.”

“Nan hamba Putroe Canden, han hamba tron seugolom rombongan troh u meuligo Raja Sedang.”

Si Toetong Gapu hana putoh asa, dirayu jih putreo troh item tron. Watee ka troh u baroh, Si Toetong Gapu geupeuleueh bajee putroe dituka ngon pakaian jih. Laju dipeu’ek u Meuligoe.

Singkat ceuritra, Si Toetong Gapu meunikah ngon Raja. Han jiteupeu nyan Si Toetong Gapu.

Watee mak meugang troh, Raja geublo sie, llheue that. Jimeuheuet that pajoh masakan putroe. Bandum sie diantat bak Si Toetong Gapu. Sabab jih han jeuet peulaku, nyang tuleueng jireuboh, nyang asoe nyan keuh jiboh u likot meuligoe. Watee pajoh bu, teuntee raja bingong, hireuen pakon nyang na bak meja cit tuleueng sagai. Han jitanyong jiet bek weueh hatee putroe.

Lheueh nyan raja meukeulileng, teucom bhee gule mangat that bak saboh jambo. Oh troh u likot meuligoe teucom bee gule mangat that lam jambo bak bineh nyan. Han teutee Raja laju tamong, lam jambo nyan geukalon na meumacam-macam gulee teuhidang. Habeh hireuen Raja Seudang.

“Jeuet lon cuba masakan gata?” kheuen Raja bak po jambo nyan.

“Silahkan, meunyoe Tuan meuheuet, sie lon teumee di likot meuligoe, putroe ka geuboh bunoe.

Meurasa that raja pajoh bu di sinan. Lheuehnyan buno, raja geutanyong bak po jambo “so seubeunajih droneuh nyoe, Toetong Gapu?”

“Lon tuan nyoe Putroe Canden, lon ka dipengeuet lee si Toetong Gapu”

Raja beungeh kon wayang lee, gobnyan leupah murka, hana laen watee lee Toetong Gapu geuseret u penjara. Toetong Gapu harus meutanggong jaweueb bak mandum nyang ka geupeuget keu Putroe Canden. Seudangkan Putroe Canden di ba tamong lam meuligoe, u teumpat nyang seubeuna.

Nyan keueh sipeuet ureueng nyang meucita-cita tapi hana sesuai ngon kada jih. Dipaksa droe jih hana meuceureuemen Bak dudoe doe keudroe cit nyang meunanggong akibat jih.

Jika menanam kebaikan

Maka akan menuai kebahagiaan

Jika menanam keburukan

Maka akan menuai petaka